العبودية المختارة

فرويد قال فى يوم من الايام ان الانسان اصلة قرد

القران اثبت ان بعض اليهود مسخوا الى قرده وخنازير

لكن اللى يبص فى ايامنا ديه يلاقى حاجة تالتة

وهى ان الحمار اصلة انسان

ايوه الحمار اصلة انسان ما تستغربش

لو بصينا لتصرفات الانسان هتلاقيه بياكل ويشرب ويتجوز ويسمع كلام العربجى بتاعه اقصد الحاكم بتاعة

والحمار بيعمل ايه بياكل ويشرب ويتكاثر ويسمع كلام العربجى بتاعه

بس الحمار بيعمل كده عشان ربنا خلقه كده

اما الانسان فهو اللى اختار انه يبقى حمار

وده التطور الطبيعى من انسان لحمار

الانسان خايف على الفول والبصل والجرجير والعيش اللى مايكلوش حمار

خايف يقول لا

خايف على عيالة فبيربيهم على اساس انهم حمير صغيرة

اوعا يا بنى تتكلم فى حاجه احنا مالناش دعوة بحاجه

هو ربنا عايز كده

ولما ربنا يحب يغير هو قادر

اوعى يا بنى تتكلم فى السياسه احنا مش قد الناس ديه

طيب اعمل ايه يا حاج

ذاكر واشتغل واتجوز وهات عيال واعبد ربنا وبعد كده اخرة الانسان ايه من تراب وللتراب

طيب اعيش طول حياتى حمار

وماله يا بنى الحمار ما هى كلها حمير

طيب انا نفسى ابقى انسان

ده حتى فى حاجه اسمها حقوق انسان بيقولوا عليها كل يوم فى التلفزيون

يا بنى الناس فاهمة غلط

ازاى يعنى

عارف مين الانسان اصلا لا والله يا حاج

الانسان ده يا بنى هو الحكومة والحاكم فلما بتكلموا عن حقوق الانسان هما يقصدوا الناس ديه بس لكن احنا مش انسان

امال احنا ايه يا حاج

احنا حمير بهايم

كلنا فى خدمه الانسان وابنه

ووزراءه ورجالتة

فهمت يا بنى

لا لسة مش فاهم

طبيعى ان انته ما تفهمش مش بقولك حمار وابن حمار

طيب افهمك تانى

العربجى لما الحمار يعصلج معاة ويضايقه بيعمل ايه

بيضربه بالعصايه

طيب لما الشعب يعصلج مع الحكومة بتعمل فيه ايه

بتضربه بعصاية الامن المركزى

خلاص يبقى نسمع كلامهم عشان ما نضربش زى الحمير التانين

بص يا حاج من الاخر

معاكش 10 جنيه عشان عايز اخرج مع اصحابى

يا بنى انته لسه ما فهمتنيش

ليه

انت عمرك شوفت حمار معاة فلوس

لا يا حاج

طيب عايزنى اجبلك 10 جنيه من منين

طيب ياحاج بتشتغلنى

سلامو عليكم

على فين

رايح انهق مع العيال صحابى سلاموز

إما أن نحيا أحراراً أو نموت أحراراً. وإذا كان لا بد من هلاكنا فعلينا أن نموت كما يليق بالأحرار، وإذا لم تكونوا أحراراً من أمة حرة فحريات العالم عار عليكم الحرية لا يفهمها إلا أصحاب النفوس الكبيرة الذين يرون الحياة حرية وعزة. وأن دماءهم رهن لحرية أمتهم وسيادتها.

الحرية نبت ينمو بدماء حرى وزكية

الحرية تنزع نزعا تؤخذ قسرا

بتنى صرحا يعلو بسهام ورماح ورجال عشقوا الحرية

إن تغفل عن سيفك يوما فلقد ودعت الحرية

احمد مطر

يسرنى جداً بأن ترعبكم قصائدي

وعندكم، من يقطع الأعناق

يسعدنى جداً .. بأن ترتعشوامن قطرة الحبر

..ومن خشخشة الأوراق

يا دولةٌ .. تخيفها أغنية

نزار قبانى

لا تبك كالنساء على وطن لم تصنه كالرجال